Një konflikt për motive pronësie ka përfunduar me plagosjen e dy vëllezërve këtë mëngjes në Fshatin e Ri, në Shkodër.

Policia bën me dije se L.G., 34 vjeç është plagosur me sende të forta, ndërsa vëllai i tij I.G., 41 vjeç ka marrë plagë nga përdorimi i armës së zjarrit.

Autori është identifikuar dhe është shpallur në kërkim nga policia.

Shkodër/Informacion paraprak

Më datë 08.09.2021, rreth orës 09:15 në Fshatin e Ri, Njësia Administrative Rrethinat,  Shkodër, gjatë një konflikti fizik për motive pronësie, është dëmtuar me sende të forta shtetasi  L.G., 34 vjeç.

Konflikti është përshkallëzuar më tej ku shtetasi Xh.F, ka plagosur me armë zjarri pistoletë  shtetasin I.G., 41 vjeç  vëllain e 34 vjeçarit ,  të cilët janë transportuar në spital jashtë rrezikut për jetën.

Në vendngjarje kanë mbërritur  menjëherë shërbimet e Policisë  dhe vijon krehja e  zonës  me qëllim kapjen e autorit.

Grupi hetimor nën drejtimin e  Prokurorisë  ndodhet në vendngjarje  dhe vijon puna për  sqarimin e rrethanave dhe zbardhjen e ngjarjes