Policia ka arrestuar një nga autorët e plagosjes me armë zjarri që ndodhi mbrëmjen e së shtunës në kryeqytet ndërsa në kërkim është shpallur bashkautori si dhe një Valter Pershpalaj për moskallëzim të krimit.

Të shtënat u dëgjuan pak pas mesnate në një lokal pranë rrugës “Xhanfize Keko” në Tiranë. Fill pas përplasjes, në lokal mbërriti policia që rrethoi vendin e ngjarjes dhe kreu procedurat për sqarimin e rrethanave.

Ndërkohë, sot në pranga është vënë Klajdi Shanaj, 33 vjeç për veprat penale “Vrasje me dashje e mbetur në tentativë” e kryer në bashkëpunim” “Armëmbajtja pa leje” dhe “Prishja e qetësisë publike”. Për të njëjtat vepra penale është shpallur në kërkim vëllai i tij, Ramandi Shanaj, 25 vjeç.

Dy vëllezërit, mbrëmjen e djeshme, rreth orës 23:45, pas një konflikti të çastit për motive të dobëta, në rrugën “Karaman Ylli” kanë plagosur me armë zjarri në këmbë, Ergin Gjonin, 34 vjeç, i cili ndodhet nën kujdesin e mjekëve, jashtë rrezikut për jetën