Të paktën gjashtë persona janë vrarë dhe nëntë të tjerë janë plagosur nga të shtënat me armë zjarri në qendër të Sacramentos, në Shtetet e Bashkuara.

Ngjarja e rëndë ka ndodhur në një zonë të populluar me restorante e bare, ndërsa në vendin e ngjarjes janë parë forcat e policisë dhe autoambulanca.

Zyrtarët policorë kanë izoluar zonën në orët e hershme të së dielës. Nuk kanë dhënë menjëherë detaje për ngjarjen.

Raportohet se të shtënat kanë ndodhur në afërsi të Golden One Center, ku Sacramentos Kings luan ndeshjet e saj në NBA.