Seanca e jashtëzakonshme në Parlamentin shqiptar ditën e sotme u shoqërua me përplasje verbale dhe shkëmbime akuzash. Në pamjet e siguruara pas përfundimit të seancës, ku u emëruan ministrat e rinj dhe kryeparlamentarja e re, një incident i papritur tërhoqi vëmendjen.

Një punonjës i Gardës së Republikës u shfaq duke mbrojtur kryeministrin Edi Rama nga një shishe uji e hedhur drejt tij. Shishja, e hedhur nga deputetja Albana Vokshi, i ishte drejtuar kryeministrit. Gardisti, i pozicionuar pranë Ramës, reagoi shpejt dhe përdori dosjen që mbante në dorë për të devijuar objektin, duke parandaluar që të cenonte fizikisht kreun e qeverisë.

Ky incident tregon nivelin e lartë të tensioneve dhe emocioneve të ndezura gjatë seancës, pas një dite të mbushur me debate të forta dhe akuza të ndërsjellta mes deputetëve.