Një ngjarje shqetësuese ka ndodhur në burgun e Drenovës, ku një i burgosur ka tentuar të djegë veten brenda në qeli.

Burime nga brenda burgut bëjnë të ditur se i burgosuri, i paidentifikuar me emër, fillimisht ka tentuar të vendosë zjarrin në dyshek për të kryer vetëvrasje.

Për fat të mirë, të burgosurit e tjerë reaguan menjëherë dhe lajmëruan gardianët e burgut pasi e panë atë të përpiqej të ndezte flakë me një çakmak, i cili i shërbente për të ndezur cigaret.

I burgosuri, i cili përjeton probleme të shëndetit mendor, ka kryer tentativën për vetëvrasje edhe në të kaluarën.

Ndaj, aktualisht ai mbahet nën vëzhgim për të siguruar qëndrueshmërinë e tij.