Një 44-vjeçar është proceduar penalisht pasi tentoi të futej në Shqipëri me 30 mijë euro të padeklaruara.

Gjatë kontrollit të kryer nga policia kufitare në portin e Vlorës në hyrje të Republikës së Shqipërisë, automjeti tip “Toyota”, i drejtuar nga 44-vjeçari me iniciale M. A., kaloi në vijën e dytë për një kontroll të detajuar.

Në kroskotin e automjetit u gjetën 30.000 euro, të cilat ai tentonte të futte në Shqipëri pa i deklaruar sipas ligjeve në fuqi.

Njoftimi i policisë:

PKK Port, Vlorë! Tentoi të fuste në Shqipëri, 30 000 euro, pa i deklaruar, procedohet penalisht 44-vjeçari.
Në vijim të kontrolleve të kryera nga shërbimet e Policisë Kufitare të portit të Vlorës, në bashkëpunim me autoritetet doganore, me objektiv parandalimin dhe goditjen e paligjshmërive në kufi, në hyrje të RSh-së, është kaluar në vijën e dytë, për kontroll të detajuar, automjeti tip “Toyota”, me drejtues shtetasin M. A..
Nga kontrollet, në kroskotin e këtij automjeti u gjetën 30 000 euro, të cilat shtetasi M. A. tentonte t’i fuste në Shqipëri, pa i deklaruar konform ligjeve në fuqi.
Në vijim të veprimeve procedurale për rastin, u referuan materialet në Prokurori, ku nisi procedimi në gjendje të lirë për shtetasin M. A., 44 vjeç, banues në Vlorë, për veprën penale “Mosdeklarimi në kufi i të hollave dhe i sendeve me vlerë”.
Gjithashtu, në cilësinë e provës materiale u sekuestrua shuma e parave.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.