Një tërmet me magnitudë 5.1 sipas shkallës Rihter është regjistruar mbrëmjen e sotme në juglindje të Islandës, sipas Qendrës Sizmologjike Evropiane-Mesdhetare (EMSC). Lëkundja ndodhi në orën 21:48 me orën lokale dhe kishte epiqendrën rreth 218 kilometra në lindje-verilindje të Reykjavikut, në një thellësi prej vetëm 1 kilometri.

Deri tani nuk raportohet për viktima apo dëme materiale, ndërsa tërmeti ka ndodhur në një zonë me popullsi të pakët. Autoritetet janë në monitorim të situatës, por nuk ka paralajmërime për pasoja të mëtejshme.