Greqia është tronditur nga një tërmet me madhësi 5.2 balla i shkallës rihtër.

Sipas Institutit Gjeo-dinamik të Observatorit Kombëtar të Athinës, tërmeti me madhësi 5.2 tronditi zonën e detit në perëndim të Tilos të martën në mbrëmje. Epiqendra e tërmetit ishte e vendosur 16 kilometra në perëndim të Tilos dhe thellësia fokale vlerësohet në 10 kilometra.

Tërmeti preku ishujt Kos dhe Nisyros. Gjithashtu, dy lëkundje të tjera me madhësi 3.4 dhe 3.3 Righter u regjistruan në të njëjtën zonë.

Një tronditje sizmike me madhësi 3.6 Righter u regjistrua në ishullin Kos 6 minuta pas tërmetit me madhësi 5.2 ballë. Lëkundjet e tokës janë ndjerë edhe në Delvinë të vendit tonë.

Deri më tani nuk është raportuar për lëndime ose edhe për dëme materiale.