Turneu i The Weeknd po shndërrohet në një fenomen botëror. Me më shumë se 7.5 milionë bileta të shitura në 153 koncerte dhe të ardhura që tejkalojnë 1 miliard dollarë, artisti kanadez kurorëzohet si mashkulli solo më i suksesshëm në botë.

Superhiti i tij “Blinding Lights” nuk ka pushuar së thyer rekordet: shpallja Diamond nga RIAA dhe vendi si kënga më e suksesshme në historinë e Billboard Hot 100, duke kaluar klasikën “The Twist” të Chubby Checker, janë vetëm disa nga arritjet që e bëjnë The Weeknd një emër të pakontestueshëm në industrinë e muzikës.

Vetëm dy emra e kalojnë: Coldplay me “Music of the Spheres” (1.5 miliard dollarë) dhe Taylor Swift me “Eras Tour” (2 miliard dollarë).

Përtej suksesit financiar, The Weeknd ka shpërndarë mbi 8.5 milionë dollarë për bamirësi përmes XO Humanitarian Fund dhe Global Citizen, duke siguruar që fansat e tij të marrin pjesë në një nismë globale për ndihmë ndaj të nevojshmëve.

Turneu i ri, që nis më 20 prill në Mexico City, do të vijojë në qytete si Rio de Janeiro, Paris, Milano, Londër dhe Madrid, duke premtuar një eksperiencë të paharrueshme për adhuruesit e muzikës së tij në të gjithë globin.

Në një kohë kur muzika dhe bamirësia ecin paralelisht, The Weeknd po tregojnë se suksesin mund ta matësh edhe me ndikimin që ke në botë.