Mbështetësit e ish-kryeministrit Sali Berisha nuk ndalen. Me çdo mjet, me varre, mjete të forta, çekanë dhe trapanë, kanë tentuar që të hapin dyert në PD.

Pas thirrjes së Partisë Demokratike ndaj institucioneve ligjzbatuese, Policia e Shtetit ka reaguar duke njoftuar se do të angazhohet për të ndaluar incidentet në PD.

Reagimi i Policisë së Shtetit

Në bazë të një kërkese të bërë Policisë së Shtetit, nga një grup deputetësh të Partisë Demokratike, të cilët kanë kërkuar ndihmën e Policisë, pasi i rrezikohej jeta nga protestuesit, sqarojmë se:

Policia e Shtetit është gati për të ndërhyrë në ndihmë të deputetëve që kanë kërkuar ndihmë dhe u bën thirrje protestuesve që të distancohen menjëherë nga aktet e shkatërrimit të pronës dhe aktet e dhunës.

Policia e Shtetit u bën thirrje organizatorëve të protestës që të përmbajnë protestuesit dhe të shmangin çdo rast dhune, sepse do përballen me ligjin.