Në protestën e opozitës para bashkisë së Tiranës, aktori Mehdi Malkaj ka bërë thirrje për dhunë, duke nxitur të mbushur xhepat me gurë. Duke folur për një martesë të një çifti të së njëjtes gjini që u zhvillua në tarracën e bashkisë, Malkaj akuzoi policinë për mbrojtjen e tyre dhe shprehu zemërimin për kryeministrin. Thirrjet e tij për dhunë janë përshkruar si provokative dhe kanë shkaktuar shqetësim në opinionin publik.

“Policët janë në mbrojtje të çiftit të lezbikeve. Turp i madh që u bë një martesë lezbike. Njëra kishte një fëmijë në dorë. Kryeministri na shkel me këmbë dhe ne nuk ngrihemi. Ka ardhur koha të mbushim xhepat me gurë. Mbushni xhepat me gurë kur të vini këtu. Jemi bërë populli më qesharak në botë. Përmes jush të bëjmë të ndërgjegjshëm popullin. Ne durojmë shumë por nuk është trimëri të durosh”.