Gazetari dhe opinionisti Milaim Zeka, i ftuar së fundmi në podkastin “Next Episode”, ka komentuar rolin e Oltës Gixhari si opinioniste. Ai ka shprehur mendimin se Olta shpesh përfshihet në debat për të “kacafytur”, ndërsa nuk bën analiza të mirëfillta.

“Ti e ke parë si bën ‘hihihi’. Unë bëj analizë, ajo qesh me ironi,” u shpreh Zeka. Ai përmendi gjithashtu eksperiencën e saj si anëtare jurie në “Dancing With The Stars” (DWTS), ku kishte bashkëpunuar me Ilir Shaqirin. Sipas tij, edhe Ilir Shaqiri kishte vërejtur të njëjtën qasje nga ana e saj: “Edhe kur ka qenë te DWTS me Ilir Shaqirin, që më ka thënë edhe Iliri dhe ne e kemi injoruar… Ajo nuk ka bërë analizë, është munduar gjithë kohën të kacafytet me Ilirin.”

Historia e debatit mes Milaimit dhe Oltës
Marrëdhënia mes Milaimit dhe Oltës duket se ka pasur tension që pas një postimi të bërë nga Zeka për banoren e BBVK, Lela. Në atë kohë, Olta i kishte dalë në mbrojtje Leles, duke krijuar një përplasje publike me Milaimin.

Komentet e fundit të Zekës janë një vijim i kritikave të tij ndaj mënyrës se si Olta përfaqëson opinionin në formatet televizive, duke vënë në dyshim rolin e saj analitik dhe duke sugjeruar se ajo fokusohet më shumë te debatet sesa te analiza.

Olta Gixhari ende nuk ka reaguar ndaj këtyre komenteve.