Moderatorja e njohur shqiptare, Erjola Doçi, është përfshirë së fundmi në një përplasje virtuale me një ndjekës në profilin e saj në Instagram, pas publikimit të disa fotove ku ajo shfaqet në bikini.

Komentuesi, i cili u shpreh kritik ndaj përmbajtjes së postimeve të saj, shkroi:
“Pse e keni dëshirën me nxjerrë …. dhe … në foto, se kuptoj.”

Reagimi i Doçit ishte i menjëhershëm dhe me ironi:
“Sepse s’kam ku t’i çoj, si thua t’i heq nga trupi, t’i prej? Por do e kem parasysh që të vesh pantallona dhe golf në plazh.”

Përplasja mori vëmendje të madhe në rrjet, duke rindezur diskutimin për kufijtë mes shprehjes së lirë, estetikës dhe kritikës publike në rrjetet sociale.

Erjola Doçi është një nga figurat më të ndjekura dhe të komentuara të showbiz-it shqiptar. Ajo njihet për stilin e saj të drejtpërdrejtë dhe fotot provokuese që shpesh bëhen temë diskutimi në mediat rozë.