Një 47-vjeçar ka humbur jetën pasi dyshohet se ka bërë vetëhedhje nga kati i 3-të i Spitalit të Traumës. Ngjarja ka ndodhur rreth orës 05:30 të mëngjesit, më datë 25 shkurt.

Sipas informacioneve, 47-vjeçari kishte paraqitur në Spitalin e Traumës më datë 24 shkurt pasi kishte vetëplagosur veten me një mjet prerës thikë në Tepelenë. Familjarët dhe policia tregojnë se ai kishte probleme të shëndetit mendor dhe kishte tentuar vetëvrasjen edhe në raste të tjera.

Ngjarja ka shokuar komunitetin dhe autoritetet po vijojnë hetimet për të zbuluar rrethanat e ngjarjes dhe për të kuptuar se çfarë ka ndodhur në periudhën mes vizitës së tij në spital dhe momentit të vetëhedhjes.