Policia e Tiranës ka vënë në pranga një 53-vjeçar, i identifikuar si Arben Karaj, pasi në banesën e tij në fshatin Grorë u gjetën dhe sekuestruan armë dhe municion luftarak.

Gjatë kontrollit të banesës, shërbimet e Policisë zbuluan:
2 armë zjarri pushkë
Municion luftarak
Një mjet prerës (thikë)

I arrestuari do të përballet me akuzat për “Mbajtja pa leje dhe prodhimi i armëve, armëve shpërthyese dhe i municionit” si dhe “Prodhimi, mbajtja, blerja apo shitja pa leje e armëve të ftohta”.

Materialet hetimore i kanë kaluar Prokurorisë për veprime të mëtejshme procedurale.