Një 38- vjeçar tmerroi banorët e Levanit dhe dhunoi gruan e tij.
Banorë të zonës dhe fqinjë të familjes janë shprehur se pasi britmat e gruas janë dëgjuar fillimisht brenda shtëpisë, ku ishin edhe tre vajzat e mitura dhe më pas ajo ka dalë jashtë duke u rrëzuar tek shkallët e pallatit.

Fqinjët kanë treguar se Saimiri ka nxjerrë edhe sëpatën për të qëlluar gruan e tij, ndërsa ajo në kurriz ka pasur shenja të goditjes me mjete të forta, (shkop ose ristelë), si dhe hematoma të goditjes me pëllëmbë.

Fqinjët kanë shtuar se kjo është një situatë e përsëritur dhe se i autori nuk e ka të parën herë që ushtron dhunë fizike e psikologjike ndaj gruas së tij 38-vjecare. Mësohet se pas ngjarjes gruaja e dhunuar është dërguar ne spitalin e Fierit dhe ka dalë prej aty pasi ka marrë ndihmën mjekësore. Sipas banorëve të zonës autori i ngjarjes vuan nga probleme të shëndetit mendor dhe disa herë është kuruar në spitalin psikiatrik të Vlorës, por brenda një kohe të shkurtër ka dalë prej aty.

Në një dëshmi për gazetarët, banorët e zonës, autori i dhunës konsumon alkool. Ndërkohë, një tjetër banor tha se 38-vjeçari lëviz me sëpatë në dorë gjithmonë.