Përfaqësuesi i Estonisë në Eurovision 2025, reperi dhe artisti Tommy Cash, tërhoqi vëmendjen e publikut jo vetëm me performancën e tij, por edhe me kostumin e pazakontë të mbuluar me letra të verdha. Një nga mesazhet që ai mbante në veshje, “Duam të vërtetën, ta nxjerrim me ngulm atë”, u bë simbol i protestave studentore në Serbi, duke shkaktuar debat dhe polemika për natyrën e tij politike.

Në një video të postuar në kanalin zyrtar të Eurovision në Instagram, Tommy Cash shpjegoi se mesazhet në kostum janë dëshira të fansave të tij për ndryshime në botë, dhe se përmes performancës synonte të transmetonte pikërisht këtë simbolikë shpresëdhënëse.

Kënga e tij “Espresso Macchiato” pati një pritje të përzier, sidomos në Itali ku organizata Codacons kërkoi ndalimin e saj nga festivali. Videoja me Tommy Cash duke pirë kafe dhe kënduar një tekst të lehtë dhe ironik, u kritikua nga disa si e papranueshme, ndërsa të tjerë e konsideruan qesharake dhe kreative.

Pavarësisht kritikave, Tommy Cash arriti të sigurojë një vend në finalen e Eurovision, duke dëshmuar se performanca e tij dhe mesazhet e forta kanë gjetur mbështetje dhe interes te publiku.