Topi zyrtar i përdorur në ndeshjet e Euro 2024 pritet të jetë i pajisur me një mikroçip që synon të zbulojë dy situata kljuç për ndihmën e arbitrave. Kjo teknologji synon të identifikojë momentet kur lojtarët prekin topin me dorë gjatë aksionit të golit dhe për të zbuluar pozicionet jashtë lojës.
Ky hap vjen pas sfidave të vazhdueshme që kanë hasur arbitrave në evidentimin e këtyre situatave me përdorimin e teknologjisë VAR. Edhe pse nuk pritet që ky mikroçip të eleminojë të gjitha gabimet, synohet të zvogëlojë ndjeshëm numrin e tyre. Kjo është një inovacion tjetër që shërben për përmirësimin dhe saktësinë e drejtimit të lojës në futboll.
“Mikroçipi do të funksionojë së bashku me teknologjinë e gjurmimit të gjymtyrëve që mundëson krijimin në kohë reale të paraqitjeve vizuale 3D të skeleteve të lojtarëve. Këto pajisje lejojnë gjyqtarët ndihmës video (VAR) të krijojnë një imazh të kompjuterizuar që tregon saktësisht se ku topi ka goditur trupin. Mikroçipi brenda topit të ndeshjes Adidas gjithashtu lejon teknologjinë të përcaktojë kohën e saktë të goditjes së topit, e cila, së bashku me kamerat e gjurmimit të gjymtyrëve, siguron vendime jashtëzakonisht të sakta dhe identifikimin e pozicionit jashtë loje” – Shkruan The Times.
