Një ngjarje e rëndë ka goditur komunitetin e Nikaj-Mërturit në Tropojë, ku familja Qokaj është përballur me dy humbje të njëpasnjëshme brenda vetëm 24 orësh.

Fillimisht, 88-vjeçari Ndue Martin Qokaj u nda nga jeta, ndërsa lajmi u bë i ditur nga i biri, Besnik Qokaj, i cili një ditë më parë kishte kërkuar publikimin e njoftimit mortor për të atin.

Por tragjedia nuk përfundoi këtu. Vetëm një ditë pas vdekjes së të atit, edhe Besniku ndërroi jetë papritur. Dyshohet se shkak është bërë një arrest kardiak, duke e zhytur familjen dhe komunitetin në dhimbje të thellë.

Ngjarja ka tronditur zonën, ndërsa banorët dhe të afërmit po përballen me një humbje të dyfishtë të papritur dhe të rëndë.