Një tragjedi ka ndodhur në Podgoricë të Malit të Zi, ku një ish-efektiv i policisë, me inicialet M.D, ka vrarë gruan dhe djalin e tij me armë zjarri, për më pas të kryejë vetëvrasje. Ngjarja e tronditshme ka ndodhur gjysmë ore pas mesnatës.

M.D., i cili ishte në pension, ka kryer aktin e tmerrshëm duke përdorur një armë të saj privat. Gruaja e tij, e cila ishte edukatore, dhe djali janë viktima të kësaj tragjedie.

Drejtoria e Policisë ka njoftuar se hetimet janë ndërmarrë nga prokurori i shtetit në Prokurorinë e Lartë në Podgoricë, me pjesëmarrjen e ekspertëve balistikë dhe oficerëve të Departamentit të Sigurisë në Podgoricë. Gjatë hetimeve është zbuluar se M.D. kishte dy armë zjarri në vendngjarje, dhe autoritetet po verifikojnë nëse ato ishin në posedim të ligjshëm.

Sipas të dhënave të Drejtorisë së Policisë, dyshohet se motivi i kësaj tragjedie ka qenë gjendja e rënduar shpirtërore e shkaktuar pas vdekjes së djalit të tij. Ngjarja ka lënë një ndjesi të thellë tronditje në komunitetin lokal.