Një aksident automobilistik tragjik i ka marrë jetën një 18-vjeçari shqiptar në Athinë, pas përplasjes së dy motorëve. Sipas raportimeve të mediave greke, ngjarja ndodhi në orët e mëngjesit në kryqëzimin e rrugëve Kipseli-Zakynthos, ku dy motomjete që po lëviznin në të njëjtën korsi u përplasën me njëra-tjetrën.

Motori i drejtuar nga 18-vjeçari shqiptar u përplas me motorin e një 16-vjeçari. Për pasojë, i riu shqiptar ra nga mjeti dhe u zvarrit për disa metra pa ndjenja, duke humbur jetën në vend. Ndërkohë, drejtuesi tjetër i mjetit ka pësuar lëndime të lehta.

Të dy motoçiklistët ishin pa kaskë mbrojtëse, çka mund të ketë ndikuar në pasojat fatale të aksidentit. Policia po vazhdon hetimet për të përcaktuar shkaqet e plota të kësaj ngjarjeje të rëndë.