Tre gra në qytetin e Torres, Brazil, humbën jetën tragjikisht pas konsumimit të një Bolo de Natal, një ëmbëlsirë tradicionale e Krishtlindjeve. Tatiana Denize Silva dos Anjos, 43 vjeç, dhe Maida Berenice Flores da Silva, 58 vjeç, vdiqën pas konsumimit të tortës, ndërsa Neuza Denize Silva dos Anjos, 65 vjeç, u dërgua në spital në gjendje kritike, por gjithashtu humbi jetën.
Sipas hetimeve të policisë, rezultoi se ëmbëlsira mund të kishte qenë e kontaminuar me arsenik. Analizat paraprake laboratorike zbuluan praninë e këtij helmi në gjakun e viktimave dhe dy të mbijetuarve, ndërsa gruas që e kishte përgatitur tortën iu gjet përqendrimi më i lartë i arsenikut. Ajo ishte e vetmja që kishte konsumuar dy feta nga torta. Policia vazhdon hetimet për të zbuluar shkaqet e vdekjes dhe burimin e helmit.
