Një 50-vjeçar ka humbur jetën pasi u përplas nga një makinë tip “Benz” në Durrës, ndërsa drejtonte biçikletën.

Policia ka njoftuar se aksidenti ka ndodhur rreth orës 17:30 në lagjen 14/1.

Automjeti me drejtuesin shtetasin L. Z është përfshirë në një aksident me një motomjet, të drejtuar nga shtetasi Sh. S, dhe një biçiklist, shtetasin F. Gj.

“Si pasojë e përplasjes, ka humbur jetën shtetasi F. Gj, rreth 50 vjeç”, njofton policia.

Drejtuesi i automjetit, shtetasi L. Z, është larguar nga vëndi i ngjarjes dhe vijon puna për kapjen e tij.

Grupi hetimor ndodhet në vendngjarje dhe nën drejtimin e Prokurorisë po punon për sqarimin e rrethanave dhe shkakut të aksidentit.