Një ngjarje tragjike ka ndodhur në qytetin e Durrësit, ku një shtetase ruse, 26 vjeçare, me iniciale A. A., është gjetur e pajetë brenda një apartamenti që ajo kishte marrë me qira ditore. Dyshohet se ajo ka kryer aktin e vetëvrasjes duke u varur në derën e dhomës së gjumit të këtij apartamenti, që ndodhet në lagjen nr. 13 dhe është në pronësi të shtetases çeke, M. K.
Për momentin, grupi hetimor ka mbërritur në vendngjarje dhe po punon intensivisht për të sqaruar të gjitha rrethanat e kësaj ngjarje tragjike. Hetimet janë ende në fazë të hershme, dhe autoritetet po shqyrtojnë mundësitë e ndryshme lidhur me këtë ngjarje, përfshirë motivet që mund të kenë çuar në këtë akt të rëndë.
