Një ngjarje e trishtuar ka ndodhur këtë të martë në Elbasan, ku Kladja Shuli, 28 vjeçe, humbi jetën tragjikisht pas një akti ekstrem. E reja, e martuar dhe nënë e dy fëmijëve, punonte si infermiere në repartin e neurologjisë të Spitalit Rajonal të Elbasanit.

Sipas burimeve, Kladja ka hedhur veten nga kati i pestë i një pallati në lagjen “Visarion Xhuvani”, duke lënë pas xhupin dhe telefonin. Ajo banonte me qira në katin e dytë të pallatit dhe ka qenë e vetme në momentin e ngjarjes. Policia dyshon se arsyeja e aktit mund të jetë depresioni, ndërsa grupi hetimor po punon për zbardhjen e plotë të ngjarjes.

Kladja Shuli ishte e njohur dhe e dashur nga kolegët dhe familjarët, ndërsa ngjarja ka shkaktuar trishtim të thellë në komunitetin ku jetonte dhe punonte.