Futbolli shqiptar është tronditur nga një lajm i rëndë. Silvio Dumani, lojtar i rinj i akademisë së AF Elbasani, ka ndërruar jetë, duke lënë pas dhimbje të thellë te familja, miqtë dhe komuniteti sportiv.

Lajmin e trishtë e ka bërë publik vetë klubi elbasanas, i cili me një njoftim të shkurtër por tejet prekës nderoi kujtimin e të riut:

“Me dhimbje të madhe njoftojmë ndarjen nga jeta të lojtarit tonë të akademisë, Silvio Dumani.
AF Elbasani shpreh ngushëllimet më të thella për familjen Dumani.
Pusho në paqe, kampion!”

Nuk janë bërë ende të ditura rrethanat e vdekjes së lojtarit të ri, por lajmi ka tronditur komunitetin sportiv, pasi Dumani konsiderohej një nga talentet premtuese të akademisë.

Mesazhet e ngushëllimit dhe dhimbjes kanë nisur të vërshojnë nga trajnerë, futbollistë dhe tifozë të klubit, të cilët e përshkruajnë Silvion si një djalë shembullor, të përkushtuar dhe me ëndrra të mëdha për të ardhmen.

Familja Dumani dhe AF Elbasani pritet të japin detaje të mëtejshme në orët në vijim.

Pusho në paqe, Silvio. Futbolli elbasanas humbi një talent, por kujtimi yt do të mbetet i paharruar.