Një ngjarje e rëndë është regjistruar mëngjesin e sotëm në Gjirin e Lalëzit, ku një 63-vjeçar dyshohet se është mbytur aksidentalisht gjatë kohës që po notonte.

Sipas informacionit paraprak, rreth orës 07:40, I. B., banues në Tiranë, humbi jetën ndërsa po lahej në det.

Në vendngjarje ndodhet grupi hetimor, i cili po punon për të zbardhur plotësisht shkaqet dhe rrethanat e ngjarjes, duke hetuar nëse ka pasur faktorë të tjerë që kanë ndikuar në tragjedinë.

Autoritetet paralajmërojnë pushuesit për kujdes maksimal gjatë qëndrimit në ujë, veçanërisht në zonat me rryma të forta.