Një ngjarje e rëndë ka tronditur komunitetin shqiptar në Greqi. Një 55-vjeçar, baba i tre fëmijëve, është gjetur i varur në një serë në zonën e Volosit. Sipas mediave lokale, ambulanca mbërriti me shpejtësi në vendin e ngjarjes, por për fat të keq, ekipet mjekësore konstatuan se ai kishte ndërruar jetë.

Viktima kishte vite që punonte në këtë zonë dhe ishte i njohur për punën dhe karakterin e tij, duke gëzuar respektin dhe dashurinë e komunitetit vendas.

Policia greke ka nisur hetimet për të sqaruar rrethanat e ngjarjes, duke mos përjashtuar asnjë pistë, edhe pse dyshimet paraprake flasin për një vetëvrasje. Trupi i pajetë i 55-vjeçarit është dërguar për autopsi, e cila pritet të hedhë dritë mbi shkaqet e sakta të vdekjes.

Ngjarja ka shkaktuar dhimbje dhe tronditje të thellë, si në rrethin familjar të të ndjerit, ashtu edhe në komunitetin ku ai jetonte dhe punonte.