Mbrëmjen e kësaj të Premteje, rreth orës 17:30, një ngjarje tragjike ka ndodhur në rrjedhën e kanalit vaditës Peqin-Kavajë, ku është gjetur i pajetë një person i seksit mashkull. Sipas burimeve zyrtare, kufoma u gjet në afërsi të fshatit Hoxhaj, në bashkinë e Peqinit, pas ndërhyrjes së forcave të Mbrojtjes nga Zjarri dhe Shpëtimit të Peqinit.

I identifikuari si Agim Dallupi, 25 vjeç nga Peqini, ishte shpallur i humbur prej 10 ditësh. Ai njihej si person me aftësi ndryshe dhe kishte munguar pa lënë asnjë gjurmë që nga dita e humbjes. Kërkimet për gjetjen e tij ishin shtrirë në të gjithë zonën përreth, përfshirë lumin Shkumbin dhe kanalit vaditës Peqin-Kavajë.

Kufoma e 25-vjeçarit u transportua në morgun e Spitalit Rajonal të Elbasanit për autopsi. Policia dhe prokuroria kanë nisur hetimet për zbardhjen e plotë të ngjarjes dhe për të përcaktuar shkaqet e vdekjes.