Një ngjarje e rëndë ka tronditur Prishtinën, ku një 26-vjeçare ka humbur jetën pasi ra nga kati i shtatë i një pallati në lagjen “Lakrishtë”. Viktima, Xheneta Ejupi, ka ndërruar jetë në vendngjarje, ndërsa hetimet kanë zbuluar dyshime të forta për përfshirjen e partnerit të saj.
Policia e Kosovës ka arrestuar të dashurin e saj, Valmir Sheqiri, 30 vjeç, i cili akuzohet për veprën penale “nxitje në vetëvrasje”. Burime pranë hetimit bëjnë me dije se e reja ka qenë prej kohësh nën presion psikologjik dhe dhunë të mundshme nga partneri i saj.
Autoritetet janë duke vijuar hetimet për të zbardhur plotësisht rrethanat e tragjedisë, ndërkohë që trupi i pajetë i viktimës është dërguar për autopsi. Rasti ka ngjallur reagime të shumta në rrjetet sociale dhe është kthyer në një tjetër alarm për dhunën ndaj grave në Kosovë.
