Një ngjarje tragjike ka ndodhur në QSUT, ku një 37-vjeçare ka humbur jetën së bashku me foshnjën e saj, pas komplikacioneve të rënda që ajo pësoi gjatë lindjes. Policia ka kontaktuar me familjarët e gruas, të cilët kanë deklaruar se kjo ishte një fatkeqësi dhe nuk kanë ngritur asnjë akuzë ndaj mjekëve.

Sipas familjarëve, 37-vjeçarja humbi fëmijën në bark dhe më pas shkoi në maternitet, ku foshnja lindi e vdekur. Pas lindjes, gruaja shfaqi komplikacione shëndetësore që çuan në vdekjen e saj. Ceremonia mortore për nënën dhe foshnjën është mbajtur nga familjarët një ditë pas ngjarjes.