Një ngjarje tronditëse ka ndodhur në fshatin Vasilyevo të Rusisë, ku një foshnjë e sapolindur u vra pasi u hodh nga dritarja e katit të katërt nga motra e saj 5-vjeçare. Sipas autoriteteve, fëmijët ishin lënë vetëm në shtëpi nga nëna e tyre, ndërsa bashkëshorti i saj ndodhej në punë.

Kalimtarë të rastësishëm dëgjuan britmat e vajzës së vogël dhe më pas panë foshnjën pa shenja jete në trotuar. Mjekët e urgjencës konfirmuan vdekjen e menjëhershme të fëmijës 21-ditësh pas rënies në beton.

Komiteti Hetimor Rus ka hapur një çështje penale për vdekjen e foshnjës, ndërsa po hetohet nëse motra e madhe ka vepruar nga xhelozia dhe pse nëna i kishte lënë vajzat pa kujdes. Ajo mund të përballet me dënim me burg për neglizhencë të rëndë.