Një ngjarje e rëndë ka ndodhur në mesnatë në Rrugën e Kavajës, Tiranë, ku një kabinë elektrike ka marrë flakë, duke shkaktuar vdekjen e një personi që po flinte brenda saj.

Sipas njoftimit të policisë, ngjarja ka ndodhur rreth orës 00:10 të datës 18 janar 2025. Viktima është ende i paidentifikuar, ndërsa dyshohet se ishte futur në kabinë për të fjetur.

Autoritetet po punojnë për të zbardhur rrethanat e ngjarjes dhe për të identifikuar viktimën. Ndërkohë, ekipet zjarrfikëse kanë ndërhyrë për të shuar flakët dhe për të parandaluar përhapjen e mëtejshme të zjarrit.