Një moment intim u kthye në një fatkeqësi tragjike për Adriana Ribeiro, 42 vjeç, dhe partnerin e saj Marcone Cardozo, 26 vjeç, kur makina në të cilën ndodheshin ra nga një shkëmb rreth 100 metra në zonën panoramike të qytetit Venta Nova do Imigrante në Brazil.

Sipas autoriteteve lokale, dyshohet se gjatë kohës që çifti kryente marrëdhënie seksuale në automjet, lëvizjet e tyre shkaktuan zhvendosjen e makinës, edhe pse frena e dorës ishte aktivizuar. Përplasja fatale ndodhi në orët e para të mëngjesit të hënës së kaluar, por automjeti u zbulua vetëm disa orë më vonë nga një roje sigurie.

Trupat e Adriana dhe Marcone u gjetën të zhveshur në rrëzë të malit, ndërsa makina ishte shkatërruar totalisht pas përplasjes me shkëmbin. Banorët lokalë raportuan një zhurmë të fortë midis orës 1:30 dhe 2:00 të mëngjesit, por errësira dhe dendësia e pyllit e bënë të pamundur ndërhyrjen e menjëhershme.

Detektivi Alberto Roque Perez tha se nuk ka asnjë dyshim për përfshirje kriminale në ngjarje dhe se shkaku më i mundshëm mbetet një aksident i shkaktuar nga lëvizjet e çiftit brenda makinës.

Operatori i një platforme deltaplani, Thiago Amorim, përshkroi skenën si tronditëse, duke theksuar dëmtimet e mëdha që makina kishte pësuar nga përplasja me shkëmbin në terrenin tepër të pjerrët dhe të rrezikshëm të zonës.

Zjarrfikësit dhe ekipet e kërkim-shpëtimit u përballën me vështirësi për të arritur tek trupat e viktimave për shkak të bimësisë së dendur dhe terrenit malor.