Rasti i Alma Arrazit, e cila u vetëmbyt në ujërat e lumit Buna sëbashku me 3 fëmijët e saj të mitur, ka vazhduar të tronditë opinionin. Ekspertiza mjeko-ligjore e publikuar ditën e djeshme (18 qershor) ka konfirmuar se në trupin e asnjërit prej tyre nuk është gjetur ndonjë mbetje ilaçesh që mund të ketë ndikuar në humbjen e vetëdijes së viktimave.

Avokatja Alesia Balliu ka identifikuar rrethanat në të cilat jetonte Alma si një shkak potencial për vendimin e saj tragjik. Ajo ka përmendur se bashkëshorti i Almës, Erdgys Arrazi, i kishte thënë atij se mund të largoheshin, por nuk mund t’i merrnin fëmijët së bashku, një situatë që e ka rënduar gjendjen psikologjike të Almës.

Në një intervistë për “Jetë Shqiptare”, Balliu ka theksuar: “Ky raport është i sëmurë, sepse bashkëshorti i ka thënë Almës të largohet dhe fëmijët i mbaj unë. Kjo është dhunë psikologjike, sepse si mund një nënë të heqë dorë nga fëmijët? Kjo gjë nuk është e drejtë dhe ajo kalon në një fazë tjetër të rënduar, ku nuk mund të ketë më atë vetëdijen për të bërë një veprim, sepse nuk është një veprim që bëhet me logjikë. Për Almën, ky ishte fillimi i fundit.”

Ky shqetësim rikonfirmon ndikimin e rrethanave komplekse dhe tensioneve personale në ngjarjen tragjike të vetëmbytjes së Almës dhe fëmijëve të saj.