Një 19-vjeçar me origjinë shqiptare ka humbur jetën tragjikisht në Santorini, Greqi, pasi u shtyp për vdekje nga shembja e çatisë gjatë kryerjes së punimeve ndërtimi në një pronë te shpella në Imerovigli.

Sipas informacionit nga Cyclades24.gr, janë arrestuar pronari i objektit dhe personi përgjegjës për punët ndërtimore.

Policia ka nisur hetimet paraprake për të zbardhur shkaqet dhe rrethanat e saktë të këtij aksidenti tragjik. Nga hetimet është konfirmuar se ngjarja nuk lidhet me lëkundje sizmike dhe që zona ku po zhvilloheshin punimet nuk ishte në zonën e ndaluar për shkak të tërmeteve.

I riu është identifikuar si Aurel Elezi. Ai humbi jetën tragjikisht dje në ishullin e Santorinit në Greqi.

Aureli ishte djali i vetëm i familjes Elezi, i cili kishte shkuar në Greqi për të punuar dhe dje po kryente punime në një pronë në Imerovigli, ndërsa ndërtimi kishte strukturën e një shpelle.

19-vjeçari ka qenë duke riparuar çatinë e kësaj pallati kur është shtypur papritur nga struktura e dëmtuar. Në lidhje me këtë ngjarje të rëndë, autoritetet greke kanë arrestuar pronarin e pallatit si dhe personin përgjegjës për ndërtimin e mëparshëm.

Mediat greke raportojnë se ky rast nuk ka lidhje me zhvillimet e fundit të aktivitetit sizmik të ndodhur në zonë, ndërsa ende nuk janë zbardhur plotësisht shkaqet e kësaj ngjarje fatale.