Tre punonjës të Stacionit të Policisë Orikum janë arrestuar pas akuza për korrupsion dhe shpërdorim detyre, mes tyre edhe shefi i stacionit. Burime zyrtare bëjnë me dije se bëhet fjalë për Daniel Liskendaj, Inspektor Krimesh, Artur Jancaj, Shef i Stacionit, dhe Afrim Ferra, Specialist i Policimit në Zonë.

Sipas Drejtorisë së Hetimit, punonjësit policorë dyshohet se në shtator të vitit të kaluar, duke keqpërdorur detyrat e tyre, kanë kërkuar dhe marrë nga një shtetas 270,000 lekë, në këmbim të shmangies nga përgjegjësia penale.

Agjencia e Mbikëqyrjes Policore njoftoi se vendimi u ekzekutua bazuar në urdhrin e Gjykatës së Posaçme të Shkallës së Parë për Korrupsionin dhe Krimin e Organizuar, e cila caktoi masën e sigurimit personal “Arrest në shtëpi” sipas nenit 237 të Kodit Penal.

Punonjësit dyshohet për kryerjen e veprave penale: “Korrupsion pasiv i personave që ushtrojnë funksione publike” në bashkëpunim dhe “Shpërdorim i detyrës”, sipas nenve 259, 248 dhe 25 të Kodit Penal. Hetimet vijojnë për të sqaruar të gjitha rrethanat dhe për të përcaktuar përgjegjësitë e secilit.