Tre nga katër personat e lënduar në Ferizaj, që u sulmuan me thikë nga një 59-vjeçar, janë duke u trajtuar në Klinikën Emergjente në QKUK. Drejtori i klinikës, Naser Syla, ka njoftuar se një nga të lënduarit, një vajzë 10-vjeçare, është në gjendje të rëndë dhe po merr trajtim intensiv, ndërsa dy të tjerët janë në gjendje stabile.

I dyshuari për këtë akt dhune është Ekrem Hyseni, i cili u arrestua pas një kërkimi intensiv nga policia. Zëdhënësi i Policisë për rajonin e Ferizajt, Kanun Veseli, ka konfirmuar rastin dhe ka shtuar se ekipet e reagimit të shpejtë të policisë arritën të arrestojnë Hysenin në afërsi të qendrës tregtare “Plus Market” rreth orës 16:40. Gjatë kontrollit, policia gjeti një thikë, të cilën dyshohet se e ka përdorur për sulmet ndaj të lënduarve.

Policia dhe ekspertët krimteknikë janë duke hetuar vendet e incidentit për të zbardhur rrethanat e plota të ngjarjes.