Deputeti i Partisë Demokratike, Tritan Shehu, ka shprehur keqardhjen e thellë për ndarjen nga jeta të gazetarit dhe publicistit të njohur Artur Zheji, i cili humbi jetën pasditen e sotme si pasojë e një arresti kardiak, ndërsa ishte duke drekuar me familjen në Sarandë.
Në një reagim publik, Shehu e cilëson Zhejin si një gazetar korrekt, qytetar njerëzor dhe mikun e të gjithëve:
“Keqardhje e trishtim për humbjen e Artur Zhejit!
Gazetar korrekt, qytetar njerëzor në tiparet dhe sjelljet e tij. Miqësor e tolerant!
Ngushëllimet më të sinqerta familjes së tij, gazetarisë shqiptare, publikut të gjerë, miqve, të gjithëve! Do ta kujtojmë si një model!” – shkruan Shehu.
