Vrasja e 33-vjeçarit Erion Pelivani nga kunati i tij, Fatmir Tarellari, pas dëshmisë tronditëse të vajzës së tij, ka sjellë një tronditje të thellë në familjet e të dyja palëve të përfshira. Sot, në emisionin “Me Zemër të Hapur” të drejtuar nga Evis Ahmeti, është transmetuar një intervistë me xhaxhain e autorit, i cili ka shpërndarë disa detaje rreth ngjarjes dhe gjendjes emocionale të vajzave të përfshira.

Xhaxhai ka treguar se pas ngjarjes ka komunikuar me mbesat e tij, përveç vajzës 18-vjeçare, e cila dyshohet se është viktimë e abuzimeve nga vëllai i saj. Ai ka pohuar se gjendja emocionale e vajzave është e rënduar.

“Ne kemi folur para tre ditësh me vëllanë. Gjendja ishte e mirë, nuk më tha ndonjë gjë. Për lajmin na morën në telefon nga Greqia. Unë nuk e besoja. Nuk e di! Nuk kam qenë atje, kam qenë në Shqipëri. Vajzat janë të trija në Greqi dhe jetojnë me babanë. Kjo ishte e vogla…

Nuk kemi pasur kontakte pas ngjarjes, me mbesat fola. Vajzat qajnë, na mori lumi thonë… s’dinë çfarë të bëjnë.

Vajza është 18 vjeç, nuk kam fol me të, por me dy vajzat e mëdha. Vajza po rri në shtëpinë e saj që ka me qira. Mbesat kur fola ma thanë pak a shumë se çfarë kishte ndodhur. E vërteta nuk dihet”, deklaroi xhaxhai.

Ngjarja ka lënë pas një dëm emocional të thellë në familjen e përfshirë, ndërsa autoritetet greke vazhdojnë hetimet për të zbardhur plotësisht rrethanat e kësaj tragjedie.