Presidenti i Shteteve të Bashkuara, Donald Trump, dhe presidenti i Ukrainës, Volodymyr Zelensky, u takuan për rreth 15 minuta në Vatikan, ku ranë dakord të zhvillojnë një tjetër takim më vonë gjatë ditës për të vijuar diskutimet.

Lajmin e konfirmoi një zëdhënës i Zelenskyt, i cituar nga agjencia ndërkombëtare e lajmeve, Reuters.

Takimi mes dy liderëve u mbajt në Bazilikën e Shën Pjetrit dhe u karakterizua nga një atmosferë formale dhe e përqendruar. Fotot e publikuara nga zyra e presidentit ukrainas tregojnë Trump dhe Zelensky të ulur përballë njëri-tjetrit në qendër të një salle me mure mermeri, pa praninë e ndihmësve apo zyrtarëve të tjerë.

Takimi i ardhshëm pritet të thellojë bisedimet mbi çështje të rëndësishme që lidhen me marrëdhëniet dypalëshe dhe zhvillimet ndërkombëtare.