Presidenti amerikan Donald Trump ka nënshkruar një urdhër ekzekutiv që urdhëron burgjet federale të strehojnë gratë transgjinore në burgjet e meshkujve, si dhe të ndalojnë trajtimet mjekësore që lidhen me ndryshimin e gjinisë. Ky urdhër është lëshuar të hënën pas marrjes së detyrës nga Trump, sipas raporteve të New York Times.

Pjesë e këtij vendimi është edhe direktiva për trajtimin e personave transgjinorë që janë të paraburgosur, duke përfshirë edhe ata që janë emigrantë. Mbrojtësit e të drejtave të personave transgjinorë dhe të burgosurve e kanë kritikuar këtë urdhër, duke theksuar se zbatuarja e tij mund të çojë në rritje të sulmeve fizike dhe përdhunimeve ndaj grave transgjinore.

Sipas të dhënave, ka rreth 1,500 gra transgjinore që janë të burgosura në burgjet federale të SHBA, ndërkohë që nga 144,000 të burgosur meshkuj, janë rreth 750 burra transgjinorë.

Studiuesit e Institutit Williams, një qendër kërkimore në Universitetin e Kalifornisë, Los Anxhelos, vlerësojnë se njerëzit transgjinorë përbëjnë më pak se një përqind të të rriturve në SHBA.