Në kuadër të 100 vjetorit të marrëdhënieve SHBA-Shqipëri, Ish-Sekretari i Shtetit amerikan, Mike Pompeo tha se raportet mes dy vendeve kanë qenë të shkëlqyera prej vitit 1922.

Në konferencën e sotme në Tiranë, Pompeo u shpreh se dy vendet kanë punuar përkrah NATO-s për të luftuar terrorizmin dhe për të konsoliduar demokracinë.

Ai deklaroi ndër të tjera se do të punohet për shkuljen e korrupsionit dhe mbrojtjen e sigurisë së vendit dhe rajonit.

Pompeo: Është kënaqësi e vecantë të jem këtu pas 100 vitesh. Kjo ditë festohet shumë, është përkushtim për tokën dhe shfrytëzimin e saj. Nga viti 1922 marrëdhëniet tona kanë qenë të shkëlqyera, përkushtimi vazhdon njësoj.

Unë atehërë isha ushtar i ri,në 1989 kam qenë në Gjermaninë lindore kur njerëzit u çlirua nga tirania. Dy vite më vonë erdha në Shqipëri, gjatë kohës time si sekretar shteti, kisha vetëm 1 mijë ditë dhe pashë se vendet tona kanë punuar kundër terrorizmit në mbarë botën, duke qenë përkrah NATO-s.

Në 30 vitet e fundit është punuar për të konsoliduar demokracinë. Uroj dhe 100 vite të tjera po aq të suksesshme, duhet vullnet i mirë nga secili për të shkulur korrupsionin dhe për të mbrojtur sigurinë e popullit dhe rajonit. Më bëni ftesë kur të kemi dhe 125 vjetorin.