Trupi i pajetë i liderit të opozitës ruse, Alexei Navalny, i cili ndërroi jetë në burgun rus në Arktik, u dorëzua nënës së tij, sipas konfirmimit të zëdhënëses së Navalny. Detajet e varrosjes së tij ende nuk janë përcaktuar dhe është e paqartë se autoritetet ruse do të ndërhyjnë në këtë rast. Nëna e Navalny, Lyudmila Navalnaya, kishte thënë se hetuesit rusë po i bënin presion që të varrosnin djalin e saj në një ceremoni private. Ndihmësit e Navalny thanë se autoritetet kishin kërcënuar se do ta varrosnin në qytetin ku ndodhej burgu ku ai vdiq nëse familja nuk pranonte kushtet e tyre.

“Trupi i Alekseit i është dorëzuar nënës së tij. Faleminderit të gjithëve që e kërkuan këtë me ne”, ka shkruar ajo.

“Faleminderit shumë. Faleminderit të gjithëve që kanë shkruar dhe regjistruar video mesazhe. Ju të gjithë bëtë atë që duhej të bënit. Faleminderit. Trupi i Alexei Navalny i është dhënë nënës së tij”, ka shkruar Zhdanov.