Një turiste zvicerane dyshohet se është përdhunuar nga dy punëtorë sezonalë në një dhomë hoteli në Rimini të Italisë. Incidenti ndodhi më 15 korrik dhe për ngjarjen janë arrestuar një kuzhinier dhe një kamarier, të akuzuar për sulm seksual.

Sipas raportimeve të mediave italiane, dy burrat gjetën turisten zvicerane në gjendje konfuzioni në rrugë, e shtrirë përtokë në një trotuar. Ata e dërguan më pas në një dhomë hoteli, ku e zhveshën dhe e futën në dush. Dyshohet se burrat abuzuan seksualisht me vajzën përpara se të telefononin policinë.

Viktima, e cila po kalonte pushimet në Riviera me të dashurin e saj, nuk mban mend se çfarë ka ndodhur, pasi ishte nën ndikimin e drogës dhe alkoolit. Policia po heton ngjarjen për të përcaktuar rrethanat e sakta dhe për të mbledhur prova të mëtejshme lidhur me akuzat.