Prokuroria e Korçës ka arritur në përfundimin se 25-vjeçari Fridman Xhaferraj është vrarë dhe më pas trupi i tij është hedhur në rezervuarin e Gjançit. Sipas Prokurorisë 25-vjeçari Fridman Xhaferraj është vrarë për larje hesapesh.

Xhaferraj eshte larguar nga shtepia ne daten 22 maj, nje dite pas ndryshimit te mases se sigurise nga arrest me burg ne arrest shtepie.

Në datën 23 maj policia ka shkuar në shtëpinë e 25-vjeçarit për të kontrolluar zbatimin e masës së sigurisë, por nuk e ka gjetur. I vëllai i ka deklaruar policisë se Fridman është nisur për të punuar në Greqi me disa persona të tjerë.

25-vjecari është vrare për larje hesapesh dhe shkak i krimit janë bërë konfliktet e mëparshme të viktimës.

Autor i dyshuar i vrasjes është Lulëzim Spahija dhe një 26 vjeçar me iniciale K.B . Të dy nga Lushnja, dhe që tashmë janë shpallur në kërkim.