Një i ri shqiptar, Krisjan Kumaraku, është arrestuar në Mbretërinë e Bashkuar pasi u zbulua se punonte në një plantacion kanabisi. Autoritetet arritën ta identifikojnë pasi ai kishte paguar taksën e këshillit për pronën.

Gjatë një bastisjeje në dhjetorin e kaluar, policia zbuloi një plantacion kanabisi në shtëpinë e tij, ku ishin përdorur 3 dhoma për kultivimin e drogës. Në total, u gjetën rreth 150 bimë kanabisi dhe pajisje të tjera për përpunimin e lëndës narkotike.

Hetimet treguan se Kumaraku kishte bërë pagesat për energjinë elektrike dhe taksat e këshillit në mënyrë të rregullt, duke lehtësuar identifikimin e tij. Ai u arrestua, dhe gjatë kontrollit të tij u gjetën çelësat e banesës, dy telefona celularë dhe rreth 300 paundë britanikë.

26-vjeçari shqiptar tha se ishte arritur në Mbretërinë e Bashkuar nga Franca në pjesën e pasme të një kamioni në mars 2023 dhe se ishte detyruar të punonte në plantacion sipas detyrës së tij. Ai tha se i ishte thënë të kujdesej për bimët dhe të paguante faturat e shtëpisë, “ose do të kishte pasoja.” Hetimet vazhdojnë për të zbardhur rrjedhën e ngjarjeve dhe ndikimin e tij në rrjetin më të gjerë të trafikut të drogës.