Burri vret vëllanë dhe gruan në Gramsh. Autori Xhevit Sinani rreth 75 vjeç ka ekzekutuar bashkëshorten e tij, Zegjine Sinani por edhe të vëllanë, Shaqir Sinani për motive që ende nuk dihen.Shaqir Sinani ka qenë një nga instrumentistët më të mirë të zonës.
Për qytetin e Gramshit, ai njihet si fyelltar e solist i grupit të fyejve Gramsh. Shaqiri, 74 vjeç prej vitesh luante muzikën polifonike të zonës me fyell. Ai ka disa video promovuese të Gramshit me melodin e tij të krijuar nga fyelli.
Autori, Xhevit Sinani ekzekutoi me sëpatë bashkëshorten e tij, Zegjine Sinani 74 vjeç dhe të vëllanë, Shaqir Sinani 73 vjeç për motive që ende nuk dihen. Fillimisht mësohet se ka vrarë bashkëshorten në banesën e tij dhe më pas ka shkuar tek i vëllai i cili ndodhej rreth 1 km larg shtëpisë së autorit.
80-vjeçari është arritur që të vihet në prangat e policisë.
Njoftimi i policisë:
“Shërbimet e Komisariatit të Policisë Gramsh, pas marrjes së njoftimit, rreth orës 14:50, se në fshatin Tervol, Gramsh, kishte ndodhur një krim i dyfishtë, janë nisur menjëherë drejt vendngjarjes. Nga veprimet e para hetimore rezultoi se shtetasi Xh. S., 80 vjeç, dyshohet se për motive të dobëta, ka vrarë, me send të mprehtë (sëpatë), bashkëshorten e tij, shtetasen Z. S., rreth 74 vjeçe, e cila ndodhej në banesë, dhe më pas ka vrarë vëllanë e tij, shtetasin Sh. S., 73 vjeç, i cili ndodhej në territorin e banesës së tij, rreth 1 kilometër larg nga banesa e autorit.
