Gazetari Sokol Bregu ka thënë se arma më e rëndësishme në depon që u zbulua pasditen e djeshme në Babicë të Vlorës është snajperi. Duke vijuar më tej, Bregu ka shtuar se vetëm një vrasje e realizuar me snajper është zbuluar ndërkohë që të tjerat mbeten ende në terr.

Sipas tij, nëse prokurorët nuk arrijnë të zbërthejnë të arrestuarin, Luçiano Derrej, zbulimi i kësaj baze do të jetë si zbulimet e bazave të tjera. “Çdo pushkë mund të kthehet në snajper. Dhe ajo që është kryesorja, snajperi i kalibrit 7.62 mm mund të ekzekutojë në largësi të madhe dhe janë vrasje që nuk zbulohen kurrë,” tha Bregu.

Gazetari theksoi se çdo vrasje me snajper në Shqipëri nuk është zbuluar kurrë, përveç një rasti në Shkodër. Ai kritikoi përpjekjet e prokurorëve për të zbërthyer bazën e armëve dhe shpreson që ata të arrijnë të thyen arrestimin e fundit, nëse jo, zbulimi i deponisë së armëve do të jetë i kotë. “Snajperi është më i rrezikshëm se gjithë pjesa tjetër,” shtoi Bregu, duke përmendur një rast të një bazë armatimi në Lezhë.