UEFA zhvilloi mbledhjen e radhës të Komitetit Ekzekutiv ku nga çështjet më të rëndësishme ishte edhe prania e tifozëve në shkallët e stadiumit.

Një lajm i mirë për tifozët është bërë me dije këtë të mërkurë nga Komiteti Ekzekutiv i UEFA-s. Komiteti Ekzekutiv miratoi vendimin për pranimi e spektatorëve në stadiume, duke hequr kufizimin e pjesëmarrjes 30% që ishte vendosur nga Komiteti Ekzekutiv i UEFA-s më 1 tetor 2020.

Vendimi për lejimin e spektatorit totalisht do të jetë nën përgjegjësinë ekskluzive të autoriteteve përkatëse lokale ose kombëtare.Në këtë vendim është ndaluar shpërndarja e biletave ose ftesave për tifozët udhëtues deri para finaleve të garave për klube të UEFA-s që do të zhvillohen në maj 2021.